"Patriotizmi kushtetues" nga Jan-Werner Müller 
Përkthyer nga Enela Topulli dhe redaktuar nga Prof. Asoc. Dr. Arjan Vasjari

"Patriotizmi Kushtetues" ofron një teori të re të nënshtetësisë dhe besnikërisë qytetare për demokracitë liberale, kulturalisht të larmishme. Duke refuzuar përshkrimet konvencionale të nacionalizmit liberal dhe kozmopolitizmit, Jan-Werner Müller argumenton për një formë të përkatësisë politike, të përqendruar në normat universaliste të përshtatura për kultura kushtetuese specifike. Në të njëjtën kohë, ai prezanton një qasje të re të të menduarit për përkatësinë politike dhe parakushtet e legjitimitetit demokratik përtej shtet-kombit. Libri merr si rast studimor zhvillimin e Bashkimit Europian, por mësimet e tij zbatohen edhe për SHBA-të dhe pjesë të tjera të botës.

Eseja e Müller-it nis me një panoramë tërheqëse historike të fillesave dhe përhapjes së konceptit të patriotizmit kushtetues - idesë se devotshmëria politike duhet të përqendrohet në normat dhe vlerat e një kushtetute liberal demokratike sesa në një kulturë kombëtare apo në "komunitetin global njerëzor". Në një pjesë më analitike, ai më pas propozon një konceptim kritik të nënshtetësisë, që le hapësirë për kundërshtim dhe mosbindje civile, ndërsa e merr seriozisht nevojën e një entiteti politik për stabilitet me kalimin e kohës. Teoria e patriotizmit kushtetues të Müller-it i përgjigjet sfidave të multikulturalizmit de facto të shteteve të së sotmes - me një sërë implikimesh konkrete të politikave për emigracionin dhe parakushtet për nënshtetësinë, të shprehura qartë. Dhe ngre pyetjen se ç'do të thotë fuqizimi qytetar në një botë të globalizuar.

Patriotizimi Kushtetues

Donald Trump, Silvio Berlusconi, Marine Le Pen, Hugo Chávez – populistët po rriten gjithmonë e më shumë përgjatë globit. Por çfarë është saktësisht populizmi? A duhet quajtur populist çdokush që kritikon Wall Street-in apo Washington-in? Cili është dallimi i saktë mes populizmit të majtë dhe atij të djathtë? A e sjell populizmi qeverinë më afër popullit apo është kërcënim për demokracinë? Kush është “populli” dhe kush mund të flasë në emër të tij? Këto pyetje nuk kanë qenë ndonjëherë kaq të ngutshme.  Në këtë vëllim novator, Jan-Werner Müller argumenton se në thelbin e populizmit ekziston një refuzim i pluralizmit. Populistët pretendojnë gjithmonë se ata dhe vetëm ata përfaqësojnë popullin dhe interesat e tij. Müller gjithashtu tregon se përkundër dijes konvencionale, populistët mund të qeverisin mbi bazën e pretendimit të tyre për përfaqësim ekskluziv moral të popullit; nëse populistët kanë mjaftueshëm pushtet, do të përfundojnë duke krijuar një shtet autoritarist, që përjashton të gjithë ata që nuk konsiderohen si pjesa “e duhur” e popullit. Libri propozon një numër strategjish konkrete për mënyrën se si liberal-demokratët duhet të përballen me populistët dhe si t’i marrin parasysh deklaratat e tyre që i drejtohen ekskluzivisht “shumicës së heshtur” apo “popullit të vërtetë”.
Ky libër analitik dhe provokues shtrihet në histori dhe merr shembuj nga Amerika Latine, Evropa dhe SHBA-ja, për të përcaktuar karakteristikat e populizmit dhe shkaqet e thella të triumfit elektoral në kohët tona.

Lista e librave të autorit Jan Werner Muller

Patriotizimi Kushtetues

C'eshte Populizmi?

Patriotizimi Kushtetues

C'eshte Populizmi?